wahin ke wahin

sarkarein badli, shasan badle

hum wahin ke wahin

mausam badle, zamaane badle

hum wahin ke wahin

umar badhi aur kad bhi

kaathi bhi aur saathi bhi

aankh khuli to raah nahi

moondhe to khwaab mile

kab aaye the, kaise aaye the, kyu aaye the

kab aaye the, kaise aaye the, kyu aaye the

sochein to yaad nahi, na sochein to……par aisa mumkin nahi

na dil mile na dildaar mile, par hazaaron khaane ke bill mile

bhar diye……phir kayi baar mile

naam tha bahot, kaam tha bahot

par is duniya se anjaan tha bahot

sehme, ghabraye, ghar se bahar nikal gaye

jab pahuche, jaise pahuche, kuch naye jazbaat nazar aaye

ghar se duur to the hi, manzil se bhi the

doston ko hathyaar banaya, auzaar bhi aur sahara bhi

bahot aaye, bahot gaye

par hum wahin ke wahin

ghar ki yaad satati thi kabhi, par jaa kar yeh jagah yaad aati thi kabhi

kuch alag sa tha nasha yahan, na chahte hue bhi iski lat lagi

ajab sa tha jaadu iss mausam mein

dost naa bhi sahi yahan, phir bhi kuch to baat lagi

phir laga ladh kar koi fayda nahi

shayad main hi galat hu,

ek mauka deke to dekhein

phir sarkarein badli, phir shasan badle

phir mausam badle, phir zamaane badle

aur hum kahin se kahin

soch badli, nazariya badla, vichaar badle

par ab bhi hathyaar nahi, auzaar nahi, mere yaar nahi

doston ki fauj nahi ek choti si toli thi

jisme kuch naye bharti hue par puraane shaheed nahi

kitna kuch jhela, kitna saha

kitna kuch suna, kitna kaha

samay badla, manzar badla

par iss char deewari ke bahar

aaj bhi agar kahein ke hum

wahin ke wahin

to hum shayad galat nahi

par aisa kehna sahi bhi nahi

ke hum wahin ke wahin